نیرنگیئ خیال سے بے پیرہن ہے تو
نیرنگیئ خیال سے بے پیرہن ہے تو اے روحِ دل فریب کہاں بے بدن ہے تو سب رونقِ حجاب ترے ارد گرد ہے بے انجمن بھی مرکزِ ہر انجمن ہے تو گل خیز و گل فروغ ترے رنگ شاخ شاخ میرے بہار ساز چمن در چمن ہے تو بانہوں میں بھینچ کر مجھے آزاد کر دیا اب میرے پورے جسم کی میٹھی دکھن ہے تو تیرے سبب سے ہے مرا سارا وجود و وجد کیفیتِ نہال کا وارفتہ پن ہے تو اعلیٰ سکونتیں ہیں تری جا بہ جا یہاں اے بادشاہِ ملک مگر بے وطن ہے تو میری ہر ایک شام کی تو آخری شعاع میری ہر ایک صبح کی پہلی کرن ہے تو برحق ہر ایک لفظ کی شانِ نزول ہے اے صاحبِ کلام خدائے سخن ہے تو
