شادی کے خط میں تھا جو خلا یاد آ گیا

بالکل غلط لکھا تھا پتا یاد آ گیا

جوتے کے انتخاب کو مسجد میں جب گئے

وہ جوتیاں پڑیں کہ خدا یاد آ گیا

اس شوخ کے ولیمہ میں کھا کر چکن پلاؤ

کنکی کے چاولوں کا مزا یاد آ گیا

مطلع پڑھا جو اس نے رجسٹر نکال کر

پورا طلسم ہوش ربا یاد آ گیا

ہم بھی کبھی وزیر تھے کاہے کے تھے وزیر

ہم تھے وزیر آب و ہوا یاد آ گیا

سوچا تھا آدمی کا قصیدہ لکھیں گے ہم

مطلع کہا ہی تھا کہ گدھا یاد آ گیا