راہِ ہستی میں مرے ساتھ اکیلا تو ہے
راہِ ہستی میں مرے ساتھ اکیلا تو ہے تو عیاں ہے کہ نہاں ہے، مری دنیا تو ہے خواب پلکوں پہ لیے تیرا مسافر میں ہوں مجھ سے ہر گام گریزاں مر ارستہ تو ہے میں وہ کشتی جسے گرداب ہوئی موجِ سراب اور جو مجھ میں امڈ آتا ہے وہ دریا تو ہے تو نے مربوط کیا تھا مجھے دنیا سے کبھی خواہشِ زیست سے اب بھی مرا رشتہ تو ہے عہدِ موجود بیابانِ رواں ہے، اس میں نخلِ امید کا ٹھہرا ہوا سایہ تو ہے دلِ ہر برگ میں ہیں تیری تمنا کی نشاں کفِ ہر شاخ میں مہکا ہوا شعلہ تو ہے تو ہی صد برگِ نَیستَاں کو نوا دیتا ہے نفسِ نَے میں جو گویا ہے وہ نغمہ تو ہے بادبانوں کو ملے تیرا اشارہ تو کھلیں بحر تو، بحر کے اس پار کنارا تو ہے
