مرے اشک و آہ سے بے نیاز دلِ تباہ میں کون ہے
مرے اشک و آہ سے بے نیاز دلِ تباہ میں کون ہے فلک و فراق سے ماورا یہ شبِ سیاہ میں کون ہے سپہِ گزشتہ ہے صف بہ صف کسی ارضِ گمشدہ کی طرف علمِ بلند پہ خندہ زن یہ غبارِ راہ میں کون ہے تبر و سپر کی مبازرت میں تماش بیں ہے وہی سوال دلِ فتح یاب میں کون ہے، سرِ بے کلاہ میں کون ہے کوئی سیلِ آتش تیز رنگ ہے خاکِ زندہ وصال میں گلِ سرخ و برق کے درمیاں چمن گناہ میں کون ہے اڑی دل کی خاک کسی ستارۂ نیم برج کی چال میں شبِ زشتِ مرگ کے ساتھ قلعۂ بے سپاہ میں کون ہے کسی تیغِ تیز کی آب سے شجرِ وفا ہے ہرا بھرا کہ خود اپنے خوں سے شگفتِ یاب وہ قتل گاہ میں کون ہے تہِ کوئے غم ہے دمیدنی، گل ِ وصل بسکہ ہے چیدنی سرِ سیلِ رنگ رمیدنی دلِ بے پناہ میں کون ہے کرۂ خیال میں میری طرح ہزار و قمری و کبک بھی ہیں نجانے کس کی تلاش میں، گل و سرو و ماہ میں کون ہے سرِ گلستانِ سفال بادِ شمال و آدم بے وصال اسی جستجو میں ہیں ہم سفر کہ گل و گیاہ میں کون ہے سحر و سپہر کے بین بین، وہ صرف ہونٹ وہ صرف نین دلِ کم سواد کی زیب و زین مری نگاہ میں کون ہے
