مکاں میں کُچھ بھی نہیں، لامکاں میں کُچھ بھی نہیں
مکاں میں کُچھ بھی نہیں، لامکاں میں کُچھ بھی نہیں سواے خاک کِسی خاک داں میں کُچھ بھی نہیں پکارتا ہے کوئی دوسرے کنارے سے اور بجُز اُمید مرے بادباں میں کُچھ بھی نہیں کلیم دوش پہ رکھتے ہیں خواب کیسے میں کہ اور کارگہِ عاشقاں میں کُچھ بھی نہیں رواں ہوئے ہیں گُہَر اَور پانیوں کی طرف سو اب روانیِ آبِ جہاں میں کُچھ بھی نہیں شہا! بلند سہی، آسماں پَسند سہی تِری کُلہ، نگہِ خاکیاں میں کُچھ بھی نہیں یہ میرے دستِ تماشا نُما کی بازی ہے ثبات و گردشِ سیارگاں میں کُچھ بھی نہیں فَقَط گِلہ ہے سو وہ بھی ترے سِتَم کے سَبَب وگرنہ اَور دلِ کافراں میں کُچھ بھی نہیں
