ہر اِک نَوِشتہ و فرماں پہ خاک ڈالتے ہیں
ہر اِک نَوِشتہ و فرماں پہ خاک ڈالتے ہیں غُلام، فَرقِ خُدایاں پہ خاک ڈالتے ہیں قدم بڑھاتے ہیں دَولت سرائے خواب کو ہم مَنالِ عُمرِ گُریزاں پہ خاک ڈالتے ہیں بنانے والے تِرے مَوسموں کی خیر نہیں بِکھرنے والے بہاراں پہ خاک ڈالتے ہیں سَجائے پھِرتے ہیں سَر پر کُلاہِ بے طَلَبی فقیر شوکتِ شاہاں پہ خاک ڈالتے ہیں ہمیں غُبارِ پسِ کارواں نہیں ہونا سو اپنی خاکِ پریشاں پہ خاک ڈالتے ہیں تھکے نہیں ہیں رہِ غم میں تیرے تیز قدم ٹھہر کے گردشِ دوراں پہ خاک ڈالتے ہیں جہاں کی رسم ہے، ماتم کرو کہ صبر کرو کہ لوگ خاک نصیباں پہ خاک ڈالتے ہیں
