رنگِ محفل سے فزوں تَر مِری حیرانی ہے
-
رنگِ محفل سے فزوں تَر مِری حیرانی ہے پیرہن باعثِ عزّت ہے، نہ عُریانی ہے نیند آتی ہے مگر جاگ رہا ہوں سَرِ خواب آنکھ لگنی ہے تو یہ عُمر گُزر جانی ہے اور کیا ہے تِری دُنیا میں سواے مَن و تو مِنّتِ غیر کی ذِلّت ہے، جہانبانی ہے چُوم لو اُس کو اِسی لمحۂ مدہوشی میں آخرِ خواب وُہی بے سَروسامانی ہے اَپنے ساماں میں تصاویرِ بتاں ہیں، نہ خُطُوط، کُچھ لکیریں ہیں، کفِ دست ہے، پیشانی ہے