اب اپنے پاس کوئی چارہ گر نہیں آتا
اب اپنے پاس کوئی چارہ گر نہیں آتا لگا ہے زخم بھی ایسا کہ بھر نہیں آتا کہاں تخیلِ جاناں، کہاں یہ سنگِ حیات خیالِ دوست بھی اب تو نکھر نہیں آتا چلے ہیں سب تری تقلید کے لیے لیکن یہ تیرا نقشِ قدم کیوں ابھر نہیں آتا کہ اس طرح سے بدلتا رہا وطن کا چلن گیا ہو ا جو مسافر ہے گھر نہیں آتا جنوں کے دشت و بیاباں چمن چمن مجھ کو مجھے خرد کا کٹھن سا سفر نہیں آتا میں ہجرتوں کے مسافر کو کیسے سمجھاؤں کہ راہِ خانہ بدوشی میں گھر نہیں آتا بتوں کو پوجتے عادل کٹی ہے عمر تمام کمالِ شیوہِ آذر مگر نہیں آتا
