ترجمہ: انور زاہدی

1

وہاں بلندی پر

باغ چاندنی میں نہایا ہوا ہے

چاند سنہری ہے

تمہارے لبوں کا لمس

سائے میں بے حد قیمتی ہے

2

پرندےکی آواز

جسے شفق نے چھپا لیا ہے

خاموش ہو گئی ہے

تم باغ میں ٹہلتی ہو

مجھے علم ہے کہ

تم کس کے لیے بے قرار ہو

3

تلوار جو کبھی کسی

دوسرے کی گرفت میں تلوار تھی

چاندنی گلی میں مجھ سے کہتی ہے

کیا وہ کافی نہیں ہیں؟

4

چاند تلے

طلائی شیر اور سایہ

نیچے اس کے پنجوں کو دیکھتا ہے

اس سے بے خبر کہ صبح کے وقت

انہوں نے ایک آدمی کو زخمی کر دیا

5

سنگ مرمر پر برستی ہوئی بارش

زمین میں ڈھل جانے پر اداس ہے

اداس ہے کہ ، وہ انسان، خواب اور صبح کا

جزو نہیں بن سکتی

6

اپنے قبیلے کے دوسرے لوگوں کی طرح

جنگ میں نہ کٹ مرنے پر

بے ثمر راتوں میں

وہ، جو حروف کو گنتا ہے